في رحلة الحياة
هتلاقي ناس أنت بالنسبالهم “هدف” .. مجرد ما يوصلوله بتفقد قيمتك في عينيهم …
وفيه ناس أنت بالنسبالهم “مصلحة” أول ما ياخدوها، بتبقى مالكش لازمة ليهم …
وفيه ناس أنت بالنسبالهم “أنبهار” أول مايقربوا منك ومع الوقت ، بتتحول لشخص عادي وينبهروا بغيرك ويسيبوك …
وفيه ناس أنت بالنسبالهم “المتاح” مافيش غيرك دلوقتي يلجأولك ، أول مايلاقوا بديل بيستغنوا عنك
وفيه ناس أنت بالنسبالهم “قيمة و حب” بتفضل دايما في عينيهم مهما طال الزمن وأختلفت المسافات والاماكن هو نفس الشخص اللي مش ممكن يستغنوا عنه …
هتلاقي في رحلة حياتك كل أنواع الناس دية..
لكن الانسان الحكيم اللي مايقفش قدام تصينف أنواع الناس اللي بتقرب منه ، لكنه بيستمتع ويتعلم من خلال أمانته وصدقه ومحبته لكل انواع الناس اللي بيقابلهم .
خليك أمين في كل علاقاتك وماتزعلش ولا تلوم نفسك على أي موقف إيجابي أنت عملتة مع حد .
أفرح وأفتخر بنفسك وبصدقها وقوتها ، وسيب كل واحد حر في الطريقة إللي يقرر يشوفك بيها ويقرب بيها منك.
انها الحياة
