تعالي…..
جوا حشايا من تاني اخبيك،،،
وادعي ربي من كل شر يحفظك و يحميك،،،
الدنيا رغم وسعها
ياقلبي مش عارفه
ليه كده ضيقة عليك …
ومن اول لحظه لك فيها حالفة تتعبك وعني تبعدك …
ماخدتش لسه حقك فيها ولا منها
دنيا بخيله عليا افرح فرحة عمري بيك
ليه ياقلبي الدنيا مستكتراك عليا ومستخسرة حق الحياة فيك،
أنت نبضي وحته مني
وبين ضلوعي نفسي اشيلك تاني واحميك
لو قالو عمرك ولا عمره قلت العمر كلة ليك
بس يانور عيوني مش كفاية عليك
دنتا بكره والحلم اللي ياما حلمت بيك
وباقي العمر اللي مش قادرة أعيشه راح اعيشه من تاني فيك ،
ما انت امتدادي وسلسالي والدعوة الحلوة اللي متشالالي ،
نفسي اشوفك وابوس كفوفك
والضحكة الحلوة تملي عنيك
دعيت ربنا بقدرته يشفيك…..
